R. Lalnithanga leh R. Zonunsiami fanu R. Lalnunthari hi thiamna lamah Master degree nei a ni a, Politics ah mikhual tak nimahse khawtlang nun inkaihhruaina lamah hnuhma a nei tha angreng hle.

NGO leh pawl hrang hrangah in hmangin National Mental Health Programme hnuaiah rilru lama harsatna hrang hrang tawk te puihna etc ah Ambassador a ni mek a. Ruihlo in a tihbuai thalaite kawng dika hruai leh ruihhlo khawih thar turte ven kawngah hetiang lam buaipuitu pawl Foundation for Drug Free Mizoram ah telin, hei bakah hian, Mizoram Social Defence and Rehabilitation Board (MSDRBS) hmalak na in ruihhlo khawih lo tura in zirtirna leh a nghawng pawi theihte zirtina pe tute zing a mi a ni.

Association for Voluntary Blood Donation (AVBD, thisen pe thei tura nun uluk tura infuihna kawngah nasa taka hma la in, amah hi thisen pe tha(regular blood donor) a ni nghe nghe.

Alzheimer’s and Related Disorders Society (ARDSI) ah tel in, Councillor a ni mek. Mizoram State AIDS Control Society (MSACS) te hmalakna kawng hrang hrang ah tel in, thalaite leh naupang zawk te HIV +ve pung zel tur ven naah theihtawp chhuah in, a vei tawh te thinhrik an nih lohna tura hmalak naah a tel a. An eizawnna tur dapsak kawngah pawh tha thawh in, tunah hian positive te chhawm dawlna atana brand din No_stigma_by_hmangaihi tan Ambassador a ni.

National Health Mission hnuai ah Healthy Lifestyle Ambassador a ni mek.

Kohhran lama mawhphurhna ah Nunui hi Tetlai atang tawhin Kohhran leh YMA ah, YMA Chhang atang a inhmang chhova, khawtlang chhum hmin an tih ang mi hi a ni, kohhran lamah - Dan zawhkim, KTP active member a ni. Rei tak Junior Department zirtirtu a ni. YMA ah cultural Committee member, Sanitation and Smartening committee member, Information and Publicity committee member a ni mek bawk.

Social work lamah a tui hle a, ruihhlo vanga buaina te, thalaiten ruihhlo an hmangsual tur venpuina leh mipat hmeichhiatna hman sual avanga natna tha lo thlen theite a vei a. Chuvang chuan Thalaite fuihna thu (motivational speech) sawi tura sawm hlawh berte zinga mi a ni.

Mizo thalai hmingthang leh mahni kalna lama thleng thui berte zinga mi a ni a. A thiltih tawhah record tha tak tak neiin, actress, model leh beauty pageant title-te nei kawp thei a ni. Mi tumruh leh taima, thil ti tak tak mi a nih avangin a kalna lamah India ram bakah Foreign ram thlenga lang pha zat zat thei Mizo nula chhuanawm tak kan ti thei ang.

Nunui Rualhleng hi kum 2019 khan Miss India a Mizoram aiawh tur thlanna Guwahati ah pakhatna a ni a. Femina Miss India 2019-ah a tel leh a. He intihsiaknaah hian sub-title "Miss Congeniality" title a dawng a. Hei mai bakah hian Talent nei tha berah thlan a ni bawk a ni.

Mizo zinga Bollywood-a a changtunu ni pha hmasa ber niin hriat a ni a. Amazon miniTV romantic series, Ishqyapa-ah 2023 khan a changtunu berah a chang a. He film-ah hian Lunglei nula lemah a chang a ni. He project ah hian amah mai ni lovin Mizo movie lama tui Hotstar series, Special Ops 1.5: The Himmat Story-ah 2021 khan Chinese nula lemah a chang bawk.

Christian movie, a title ’Ka Nihna Nilo’ Tunlai thalai te HIV Positive pung zel tur venna lam kawnga zirtirna movie ah star actor atan a inlan. The Lottery- Sum ngainat hi sual bul a nih zia leh Eiruk laka fihlim tura in zirtir na lam movie ah star actor atan a inlan.

Project A.H Ram leh hnam hmelma action movie ah changtunu ber niin, he movie hi Mizoram a ruihhlo, corruption leh hnam hmelma hrang hrang do rem na lam a ni. A telna Project pakhat - ‘Ka Ram’ tih hi release mai tura ruahman mek a ni bawk

India ram aiawh a a telna hnaivai zual te : 6th September 2024- Artistanbul Feshane, Istanbul, Türkiye ah India ram hmarchhak state te promote na atana event buatsaih a ni a. India ram atanga hnam thuam entir tur a thlan te zingah Mizo model kal awmchhun a ni.

19-21 September 2025 - Suntech Singapore Convention & Exhibition Centre a event siam ah India ram atanga model kaltur thlan zingah a tel ve bawk.